Ispilua. Txirrindulariak binaka arituko dira, bata bestearen eskumaldean, metro bateko tartearekin. Bata eredu eta bestea ispilu izango dira. Ereduk mugimenduak egingo ditu (burua ezkerrera mugitu, besoa eskumarantz luzatu…) eta Ispiluk tarteka albora begiratu eta keinuak errepikatuko ditu bizikletaren norabidea okertu barik. Ariketa amaitu ondoren berriro egingo dute baina rolak elkarri trukatuta.
Gerizpea (Itzala). Bikoteko kide bat aurrean eta bestea atzean. Eta berdin: aurrekoak egiten duena atzekoak egin behar du: ezkerrera jo, abiadura arindu, moteldu, eskumara, besoa zabaldu…. Amaitu ondoren atzean egon dena aurrera doa eta bestea bere gerizpea izango da. Ariketa amaitu ondoren berriro egingo dute baina rolak elkarri trukatuta.