Azaldu. Taldeari behekoa azalduko diogu:
- Oztopoak. Edozein unetan bidean agertu daitezkeen oztopoak saihesteko prest egon behar dugu.
- Abiadura kontrolatzea. Abiadura ondo kontrolatzea ezinbestekoa da, eta horretarako apur bat balaztatuko dugu, erabat gelditu barik, maniobrak segurtasunez hartu ahal izateko.
- Alboetara espazio gutxiago hartu. Zenbat eta espazio gutxiago erabili, orduan eta kontrol handiagoa dugula adieraziko digu.
Ariketa. Berau egiteko maniobra hauek egingo ditugu:
- Bakoitza irteeran jarriko da eta hortik abian jarriko dira, ilaran, kono baxuek zehaztutako bide estutik (ilarak 10 metroko luzera izango du).
- Erdian bidea estutzen duten 3 kono altu daude eta horiek ikutu barik aurrera egingo dute
- Amaieran soka bat egongo da, horizontalean jarrita eta lurretik 1,60-1,90 bat metrotara (egokitu taldeko kideen garaietara) eta hortik behetik pasatu behar dute.
- Ibilbidea amaitu ondoren, berriro egingo dute.