Azaldu. Taldeari beheko jarraibideak azalduko dizkiogu:
- Biraketa. Eskuaz seinalatuko dugu, besoa erabat zabalduta eta esku ahurra zabal eta beherantz jarrita. Ezkerrerako biraketa ezkerreko besoa luzatuta eta eskumarakoa eskumakoa luzatuta. Baina beste eskua gorantz altxatuta ere egin daiteke (eskumara egiteko ezkerreko besoa honela altxatuko genuke: L). Abiadura asko jaisten ari garela edo geldituko garela adierazteko, besoa horizontalean jarri eta gorantz eta berantz mugituko dugu zenbait aldiz jarraian.
- Atzerantz begiratu. Seinalizazioa eta maniobra egin baino lehen atzerantz begiratu behar dugu, maniobra egin ahal dugula ziurtatzeko.
- Zirkuitua. Bi karratu egingo ditugu konoekin, alde bakoitza 5 metrokoa,eta karratuen artean 3 metroko tartea utziko dugu. Bigarren karratutik beste 7 metrora beste kono bat jarriko dugu.
Ariketa. Berau egiteko maniobra hauek egingo ditugu:
- Taldeko kide bakoitza irteeran jarriko da eta hortik abian jarriko da, ilaran. Lehenengo karratura heltzean albotik pasatuko dira.
- Ondoren atzerantz begiratu eta eskumara seinalizatuko dute eskumako besoa luzatuz, eta biraketa egingo dute.
- Jarraian atzerantz begiratu eta ezkerrera seinalatuko dute ezkerreko besoa luzatuz, eta biraketa egingo dute.
- Azkenik, karratutik 7 metrotara dagoen konora heltzean balaztatze mugimendua egingo dute eskumako besoa luzatuta gorantz eta berantz eginez zenbait aldiz, gelditu eta zirkuitutik aterako dira.
- Hurrengo itzulitan berdin egingo dute baina noranzkoaren alde bereko besoa luzatu beharrean, beste besoa gorantz altxatuz egingo dute.
- Hirugarren itzulian saiatuko dira ibilbide guztia esku batez joaten, uneren batean eskuz aldatzeko aukera badute ere.