Azalpenak
- Auto bat edo oztopo bat erreian. Aurrerantz goazela gure aurrean auto bat aparkatuta, edukiontzi bat edo beste zerbait dagoela ikusten dugunean, galtzadaren zati handiagoa hartzeko prest egon behar dugu.
- Segurtasun-tartea. Aparkatutako autoak aurreratzeko 1,50 metroko tartea uztea komenigarria dela gogoratuko diegu eta horrez gain ibilgailu horietan jenderik dagoen edo argiak piztuta dituen begiratu behar dugula, galtzadara ateratzekotan egon daitekeelako. Parte-hartzaileei maniobra arriskutsua dela adierazi behar diegu, eta zentzumen guztiak jarri behar ditugula.
Maniobrak
- Begiratu: sorbaldatik atzerantz begiratuko dugu ea ibilgailurik datorren eta aurrerantz ere bai ea autoan norbait dagoen ikusteko.
- Seinalatu: ezkerrarekin maniobra seinalatuko dugu, besoa luzatuta.
- Balaztak prest: badaezpada esku biak balazten palanketan jarriko ditugu, bat-batean balaztatu behar izanez gero arin egin dezagun.
- Egiaztatu: berriro atzerantz sorbaldatik begiratuko dugu ea oraindik lekurik daukagun eta ea ez datorren inor, galtzadan ezkerrerantz egiteko.
- Maniobra: ezkerrera egin eta aparkatutako ibilgailutik 1,50 metrora igaro. Aurreko txirrindulariarekiko segurtasun-tarteari ere adi egon.
- Itzuli: aurreratu ondoren galtzadaren bazterrera itzuliko gara.