Taldeari aginduak emateko. Telefonoaren sistema erabiltzen da, hau da, aurreko begiraleak agindua emango du eta atzeko lagunak (bikoteka bagoaz eskuinbikoteak) bere atzekoari errepikatuko dio eta horrela jarraian, amaierara arte.
Atzekoz aurrera. Mezuak atzetik aurrerantz ere etor daitezke, atzeko begiralearengandik hasita, adibidez.
Mezuak berdin-berdin errepikatu. Nahasketarik ez sortzeko.
Walkie talkie. Talde txikietan bagoaz (8koak), sistema hau erabiltzeko aukera dago. Kasu horretan parte hartzaileek horren entzungailu bat belarri batean eramango lukete (ez bietan bestetik kaleko soinuak entzuteko) eta horrela begiraleak guztiei aginduak eman ahal dizkie egoerak horrela eskatuko balu. Ariketekin hasi baino lehen ondo dabilen egiaztatuko dugu: walkie talkie poltsiko batean kokatu, entzungailua belarri batean jarri eta hasi aurretik begiraleak agindu bat eman eta entzuten dutenek eskua altxatu, denek ondo entzuten dutela egiaztatzeko.