- Binaka. Ariketaren bat binaka jarrita egingo denez, espazio gutxiago okupatzeko, kontu handiz ibiliko gara, ez gara bikotearengandik bananduko, ezta gehiegi hurbilduko ere, eskulekutik eskulekura metro batera gutxi gorabehera.
- Eskuinbikote eta ezkerbikote. Ariketaren bat egiteko bikoteko kideak bereiztu behar direnez, aurreko gai batean esan dugun moduan, eskuman doana eskuinbikote deituko da eta ezkerrean, ezkerbikote.
- Ilaran jartzea. Edozein unetan ilaran jartzeko prest egon behar dugu eta, agindu hori jasotzen denean, ezkerbikotea eskuinbikotearen atzetik jarriko da beti.
- Bi metro. Aurreko txirrindulariarekiko segurtasun-tartea errespetatuko dugu, bat-batean balaztatu dezakeelako. Normalean 2,00 metro ingurukoa izaten da. Ikastaroa eta gero distantzia hori apur bat handitzea gomendatzen da baina ikastaroan ez da komenigarria urrunegi jartzea, taldea gehiegi ez luzatzeko.
- Taldetik atera. Arazo bat sortzen bazaigu (zulaketa, inor jaustea…) biko ilaratik ateratzeko prest egon behar dugu gainerako taldeari bere ibilbidea oztopatu barik.