- Azaldu eta ondoren ariketa egin. Taldeari urrats hauek azaldu eta gero haiekin batera egingo dugu, denok batera abiapuntutik hasita eta elkarren ondoan jarrita:
- Bizikletara igotzean. Mugitu ez dadin, esan dugun bezala balaztak sakatuta edukiko ditugu.
- Pedala “abiatzeko jarreran”. Hala jarriko dugu, hau da, goialdean, aurrerantz. Platoa erlojua balitz oina 02:00etan jartzea litzateke (goian pixka bat aurrerantz). Normalean eskumako hanka da pedalean jartzen dena eta ezkerrekoa lurrean baina batzuek alderantziz egiten dute. Segi balazta-palankak sakatzen.
- Martxan jartzeko. Pedalari eragingo diogu, balaztak askatzen goazen bitartean.
- Gelditzeko. Pedalei eragiteari utziko diogu, balazta biak sakatuko ditugu aldi berean eta modu ez bortitzean, oin bat lurrean eta bestea pedal gainean “abiatzeko jarreran” jarriko ditugu, berriro ibiltzen hasteko.