Gelditzeko prest. Edozein unetan berehala balaztatzeko eta gelditzeko prest egon behar dugu: ia ikusi ez dugun semaforo bat, gurutzatzen zaigun oinezko edo txakur bat… Horretarako honakoak kontuan hartu:
Seinalatzeko.Eskumako besoarekin beherantz seinalatu eta gorantz mugituz, denborarik edukiz gero, eskua arin eskulekura berriro eraman behar dugulako ondo balaztatu ahal izateko.
Pisua. Bota pisua jesarlekuan atzerantz.
Beso biakzuzen eduki. Tolestu barik, eskulekuari ondo helduta.
Oinak pedaletan. Pixka bat tenkatuta, baina gero bat lurrean jartzeko prest.
Balazta biak aldi berean indarrez sakatu. Bizikleta erabat gelditu arte, oreka galdu barik. Ez dugu aurreko balazta soilik sakatuko bizikleta aurrerantz irauli daitekeelako, ezta soilik atzekoa ere, labaintzeko arriskua dakarrelako eta, gainera, balaztatzeko indar erdia galtzen dugulako.
Ariketa. Berau egiteko maniobra hauek egingo ditugu:
Bakoitza irteeran jarriko da eta hortik abian jarriko da.
Txistua jotzen dugunean erabat gelditu behar da, 3 segundotan baino lehen. Lehenengo aldi honetan ez dute seinalatuko baina bigarren aldian egiten dugunean bai.