- Oinez ibili eta bizikleta aldi berean bultzatu. Taldeko kideak gai izan behar dira bizikleta mugitzeko oinez gabiltzan bitartean, baina oinak pedalekin kolpatu barik, eta modu egokian balaztatzeko, ez bat batean. Erakustaldi bat egingo diegu azaltzen diegun bitartean eta hiru geldiune egingo ditugu. Ondoren taldeko kideek gauza bera egingo dute.
- Bizikletara igo eta jaitsi, laguntza barik. Bizikleta eskumalderantz pixka bat okertu, balaztak sakatuta eduki eta igo egingo gara. Ondoren zuzen jarriko dugu. Azalduko diegu eskumaldetik igotzea gomendatzen dela, trafikoa ezkerretik datorrenez, kalera edo errepidera sartzeko hortik hobe delako. Ondoren haiek gauza bera egingo dute.
- Orekari eutsi. Aldapa txiki batean pedalei eragin gabe jaitsiko gara zuzen, orekari zelan eutsi erakusteko. Amaieran astiro-astiro balaztatuko dugu. Ondoren haiei gauza bera egitea eskatuko diegu.