Leku egokia. Abiatzeko leku egokia bilatuko dugu taldeko kideek gidari eta oinezkoak ikus ditzaten eta haiek ere gu ikus gaitzaten.
Abiatzeko posizioa. Esku biak balazta-manetak sakatuta bizikleta geldirik egon dadin eta oin bat pedalean, banan-banan galtzadara sartzeko prest egongo gara, espaloian zintarri aldean, ibilgailurik eta oinezkorik ez badator.Ondoren banan-banan galtzadara sartzen hasiko gara.
Maniobrak:
Begiratu: atzerantz sorbaldatik begiratuko dugu ea ibilgailurik datorren eta ez badator bizikleta galtzadan kokatuko dugu.
Seinalatu: ibilgailurik ez badator, ezkerreko besoa luzatuko dugu, atzamarrak elkartuta eta ahurra beherantz.
Abiatu: pedalei eragiten hasiko gara eta esku biak eskulekuan kokatuko ditugu.
Egiaztatu: indarra hartu ahala, atzerantz beste begirada bat botako dugu, maniobra ondo egiten ari garela egiaztatzeko.
Kokatu: galtzadan ondo kokatuko gara abiadura hartu ahala, eskumaldean, galtzadaren erdibidetik edo herenbidetik, aurrerantz begira, aurrekoarekiko segurtasun-tartea kontuan hartuta eta inguruko gauza guztiei adi-adi.