Azalpenak:
- Lau gurutze mota nagusiak egingo ditugu. Bide nagusitik bigarren mailako batera eta bigarren mailako bidetik bide nagusi batera. Gurutze bat eskumara izango da eta bestea ezkerrera.
- Banaka. Ariketa hau banan-banan egingo dugu. Lehenengo begiraleok egingo dugu eta gero taldekoei galdetuko diegu ea ondo ulertu duten. Ondoren taldeko kideek maniobra berdinak egingo dituzte.
- Adi joatean. Ikastaro teorikoaren gurutzatzeari buruzko puntuak azalduko dizkiegu, hala nola, seinaleak zelan egin eta aurrerantz, atzerantz eta alborantz jarraian begiratzea.
- Atzean inor ere ez badago. Seinalea ez dela egin behar gogoratuko dugu, izan ere, seinalea egiteko esku batez gidatu behar da eta hor kontrol apur bat galtzen da. Baina ibilgailuak etortzekotan egin beharra dagoela argi eduki behar dugu.
Maniobrak. Maniobra hauek egingo ditugu:
-
Begiratu: Sorbaldatik atzerantz begiratuko dugu ea galtzadara sartu gaitezkeen.
-
Seinalatu: Maniobra segurua bada, besoa luzatu, gure maniobra adierazteko.
-
Balaztak prest: Esku biak eskulekuan jarriko ditugu eta gero abiadura moteltzeko astiro-astiro balaztatuko dugu gurutzera heldu ahala. Besoa beherantz eta gorantz eginez abiadura moteltzen ari garela adieraziko dugu (urrats hau hasieran agian ez da egin behar, trebetasun nahikoa eskuratu arte).
-
Egiaztatu: Azken begirada aurrerantz hartuko dugun kalean egingo dugu, alde bietara libre dagoen ikusteko. Libre ez badago (beste noranzkoan auto bat dator, oinezkoak gurutzatzen ari dira…), geldituko gara eta libre egon arte itxarongo dugu.
-
Maniobra: Maniobra segurua bada biraketa egingo dugu.