- Ez mugitu. Istripua larria izan bada, hobe ez mugitzea, gorputza mugituz gero lesioak larriagotu daitezkeelako. Bizikleta eta autoa ere ez mugitu. Onena anbulantzia etorri arte itxarotea da. SOS DEIAK telefonoa gogoan izan: 112.
- Argiketa. Hala badagokio salaketa jarriko dugu. Argiketa (atestado) egiten ez bada, ezin izango dugu erreklamatu eragilea beste bat izan bada.
- Erantzukizuna. Kalteren bat eragin badugu, gure erantzukizunari aurre egingo diogu eta eragindako kalte pertsonalei eta materialei aurre egingo diegu.
- Asegurua. Horretarako asegururik ez badaukagu, besteekiko erantzukizuna (hirugarrenekikoa) gu titularrak garen etxearen edo autoaren aseguruan estalita egon daiteke.