Txirrindulariak arriskuan jartzea. Txirrindulariak arriskuan jarriko bagenitu edo haien ibilbidea oztopatuz aurreratuko bagenitu, arau-haustea da eta puntuak galtzea ekar dezake.
Seinaleak errespetzearen garrantzia. Seinaleak segurtasuna bermatzeko ezarrita daudenez, horiek ez betetzekotan kontuan hartu kaltetuenak ahulagoak direnak izaten direla, hau da, txirrindulari, patinetelari eta oinezkoak. Horiengatik eta denongatik seinaleen jarraibideei kasu egin behar diegu.
P-22 seinalea. Bizikletaren ikurra barruan duen triangelu gorriak txirrindularientzako pasagune bat hurbil dagoela, txirrindulariak bidera irten daitezkeela edo zeharkatzeko erabiltzen duten lekua dela adierazten digu.
Bandera horia. Bizikleta-martxetan ordena, kontrol edo segurtasun zereginak burutzen duten laguntzaile gaituek bandera horia erabili ahalko dute arrisku bat dagoela ohartarazteko.
Bandera gorri edo laranja. Bizikletaren antena batean horrelako bandera bat eramaten duen txirrindulari bat ikusten badugu, entzuteko aniztasun funtzionala bat duen txirrindulari bat da eta arreta are handiagoz ibiliko gara.