Bidegorrietan. Gogoratu behar dugu bidegorri eta gainerako bizikleta-bideetan oinezkook ezin garela ibili.
Partekatutako bideetan. Hauek oinezko zein txirrindulari eta patinetelarientzat dira. Mota honetakoak badira seinalizatuta egongo dira, hau da, seinaleek oinezkook ere hortik ibili gaitezkeela adieraziko du argi.
Partekatutako bideetarako gomendioak. Bide-mota hauetan gomendio hauek aintzat hartuko ditugu: oinezkook ezkerretik joatea eta entzungailuak, etab. jarrita ez eramatea, bizikleta bat etorriz gero, zertxobait entzun ahal izateko eta adi joatea, batez ere beherantzako aldapetan txirrindulariak arin etor daitezkeelako.