- Bizikletak espaloietan. Askotan txirrindulariek ez dute araua betetzen eta espaloietatik sartzen dira. Gainera, oinezkoen hurbil-hurbiletik edo oso arin pasatzen dira. Jokabide horiek, noski, Zirkulazio Araudi Orororraren aurka daude eta modu onean espaloitik ez ibiltzeko eskatu ahal diegu, oinezkook mugikortasun-talderik ahulena garelako, txirrindulariena baino gehiago.
- Zer egin? Txirrindulari bat guganantz hurbiltzen ari dela eta agian gu harrapatzeko moduan egon daitekeela ikusten badugu, ez gara urduri jarri behar: albo batera arin mugituko gara, zalantzatan ibili barik. Txirrindularia eta gu zalantzatan hasten bagara, elkar topo egiteko aukera gehiago egongo da.
- Txiki eta gaztetxoak. 14 urte bitartekoak espaloietatik ibili daitezke (udalerri batzuetan 12 urte artekoak), adin nagusiko batekin lagunduta badaude, oinezkoen lehentasuna errespetatzen badute eta 10 km/ordukoko abiadura gainditzen ez badute.
- Bestelako salbuespenak. Txirrindulariek espaloietatik ibiltzeko eskubidea izan dezakete, horrela baimenduta eta ondo seinalizatuta badago. Adi seinaleei. Baina baimenduta egotekotan murrizketa nabarmenak izaten dituzte: espaloian oinezkorik ez ibiltzea, espaloiak 3 metrotik gorako zabalera izatea, ondoan bidegorria ez egotea edo kale horretan abiadura 30 km/ordura mugatuta ez egotea, lehentasuna oinezkoei ematea, fatxadetatik 1,50 metrora eta oinezkoetatik metro 1era gutxienez pasatzea eta oinezkoen abiaduran joatea eta haien segurtasuna kaltetzeko ezer ez egitea.