Talde handia. 24 bat lagun elkartzen bagara ikastaro praktikoa egiteko, adibidez, eskolako talde osoa, kontuan hartu behar dugu arreta guztia jarri behar dugula eta arauak bete behar ditugula ariketak segurtasunez egin ahal izateko. Kasu honetan hiru begiralek batera jardungo dute: bat aurrean joateko, bestea atzean eta bestea kaleak mozteko eta sor litezkeen bestelako kontuak egiteko. Irakasleadena zuzentzeko eta begiraleei laguntzeko egongo da.
Talde txikia. Beste aukera begirale bakoitzak 8 bat ikasle bere gain hartzea da eta horrela hiru begiraleekin 24 bat ikasleekin ariketak egin ditzakegu aldi berean. Ariketa gehienetarako era hau gomendatzen da. Sistema hau hobetsiz gero, begiralea azkena jarriko litzateke, eta aurrean aurreko ariketa praktikoetan ondoen aritu den parte-hartzaileetako bat; haien artean walkie talkien bidez begiraleak azalpen edo aginduak emateko aukera legoke, geroago azalduko den moduan.
Familia. Guk ere etxeko seme-alabei, ilobei… eman ahal diegu ikastaro hau, taldetxo bat osatzen badugu.