- Helburu progresiboak. Ez ditugu ibilbide zailegi edo luzeegirik jarriko, eta distantziak progresiboki luzatzen joango gara. Jaitsieretan ezinbesteko trebetasuna lortu arte ez gara arriskatuko.
- Ibilbideak. Bizikletaz ibilbide berri bat egitekotan gabiltzanean, behar bezala prestatuko gara (track-a erabat deskargatuta, mapak…) gaina ez gara gehiegi fidatuko, ezusteak gertatu daitezkeelako: eguraldia bat-batean aldatu, gurpila zulatu…
- Egun argiz eta eguraldia. Denbora ondo kontrolatu behar da eta beti segurtasuneko denbora-tarte batekin ibiliko gara ilundu baino lehen, ez ozta-ozta, arrazoi askorengatik atzeratu gaitezkeelako. Eta abiatu aurretik eguraldia ere aztertuko dugu, hau da, euria egiteko aukera txikia bada ere prestatuta joango gara.
- Lehen laguntzak. Ezagutzea komenigarria da, adibidez, bihotz-biriketako bizkorketa ala Heimlich laguntza kontrako eztarritik zerbait sartzen bazaigu. Eta beti BAL araua kontuan hartu: Babestu-Abisatu-Lagundu