Ez seinalizatzeagatik. Biribilgune eta gurutzeetantxirrindulari edo patinetelariek askotan seinalizatzen ez dutenez eta zein bide hartuko duten ala zein irteeratik aterako diren ez dakigunez, segurtasun-tartea ez dugu gutxituko, maniobratzeko denbora nahiko izan dezagun. Gainera, kontuan hartu agian guztiak ez dabiltzala abiadura berean.
Eskumarako biraketak duen arriskua. Istripu asko sortzen dira ibilgailuen gidariok eskuinera hartzen dugunean bizikleta-patineteei bidea mozteagatik haiek zuzen jarraitu nahi dutenean. Istripu hori arrazoi askogatik izan daiteke: txirrindularia-patinetelaria ez dugulako ikusi, uste baino arinago doalako, gu ikusita geldituko dela uste dugulako… Egoera horietan tentuz ibili, eta eskumara biratu nahi duela seinalizatzen ez badu zuzen joango dela aurreikusi behar dugu. Beraz, itxaron beharko dugu guk bira egin aurretik.
Norantz eta abiadura.Maniobratu aurretik bizikleta nondik hartuko duen kontuan hartuko dugu, bere abiadura kalkulatuko dugu eta bere bidean ez garela sartzen ziurtatuko dugu, arriskurik gabeko biraketa bermatzeko.