Metodologia. Parte-hartzaileen gaitasunak egiaztatzeko Pauwelsen testa erabiliko dugu. Proba hauBelgikako Luven unibertsitateko Pauwels irakasleak sortu zuen, jendeak inguru urbanoetatik, hau da kaleetatik, ibiltzeko behar dituen gaitasunak dituen ala ez jakiteko.
Zirkuitua. Irudian ikusten den ibilbidea prestatu behar dugu. Hasieran zati zuzen bat dago eta gero bihurgune bat, ondoren, bi maniobra ere egin behar dira: atzera begiratu eta eskuaz seinaleztatu.
Denbora eta akatsak. 10-12 urte bitarteko parte-hartzaileek 85 segundotan egin behar dute, zigorrak barne. Egindako akats bakoitzak segundo banako zigorra dakar, adibidez, oina lurrean jartzea, kono bat botatzea, ibilbidetik ateratzea, besoa osorik ez luzatzea eta atzera begiratzean zenbakia ez ikustea.
Denbora-sailkapena. 45 segundo baino gutxiagotan egiten bada “Bikain” emaitza lortzen da. 46 eta 74 segundo bitartean “Ondo” eta 75 segundo baino gehiago “Gutxiegi”.