- Autonomia. Patineteen fabrikatzaileek adierazten duten ibiltzeko autonomia leku lautik eta abiadura txikietan ibiltzekotan da. Beraz, praktikan, fabrikatzaileak adierazitako km-ak baino % 30 gutxiago egin ahal izango ditugula aurreikusi behar dugu.
- Aldapak. Joan nahi dugun lekura joateko aldapak badaude, askotan jaitsi beharko gara patinetetik. Izan ere, patinete arruntak ez dira % 10-15eko aldapetan igotzeko gai, edo haien abiadura nabarmen moteltzen da. Patinete garestiek (800 eurotik gorakoek) ez dute arazo hori, baina kontuz, 25 km/ordukoko abiadura gaindituz gero beste kategoria batean sartzen dira, eta orduan matrikula, gidabaimena eta asegurua behar dira.
- Kargatzeko denbora. Erabat kargatzeko 4 ordu edo gehiago behar izaten dute. Beraz, bide luze bat egin badugu eta epe laburrean beste bat egitekotan bagabiltza kontuan hartu behar izango dugu.
- Lapurtzeko aukera. Bizikletaren antzera, patineteentzat ere lapurtzeko aukera oztopo nabarmena da. Arazo hau giltzarrapo egoki batekin konpondu daiteke. “U” formako giltzarrapo zurrun edo malgu bat irtenbide bikaina da patineteen kasuan.