- Hasi aurretik. Bizikleta hartu baino lehen, berotzeko 20 bat minutu erabiliko dugu, odola giharretara joateko eta lesionatzeko aukerak gutxitzeko.
- Eutsi erritmoari. Astiro hasiko dugu eta erritmoa azkartzen joango gara berotu eta indartu ahala. Ez dugu bat-batean erritmoa gehiegi bizkortu behar. Gakoa erritmoari eustean datza.
- Luzaketak. Bost kilometrorik behin edo ibiltzen hasi eta gutxira gelditu eta luzaketak egin ditzakegu hanketan, besoetan, saman eta lepoan.
- Erresistentzia. Entrenamendu luze eta jarraia beharko dugu erresistentzia handitzeko, kirol guztietan bezala eta, horretarako, errazak eta zailak diren tarteak txandakatu, mota desberdinetako lekuetatik ibili (basoak, arrokak…), etab.
- Elkartu. Taldeka bagoaz, noiz edo noiz atzerago dabiltzanei itxaron eta taldekide guztiak elkartuko gara.
- Jaistean kontuz. Edozein unetan harri handi bat, oinezkoak, animaliak… agertu daitezke eta.
- Abiadura. Kontuz abiadurarekin, menditik oinezkoekin partekatzen diren ibilbideetan abiadura-mugaren bat egon daitekeelako. Adibidez Bilbon 15 km/ordukoko muga dago horrelako bideetan (Pagasarrin…).