- Seguruena. Ibilbiderik seguruena aukeratuko dugu, hau da, trafiko gutxiko kale eta errepidetatik joango gara nahiz eta bide luzeagoa egin behar.
- Bidegorriak. Bidegorriak baldin badaude horietatik joango gara eta ez alboko kaleetatik (gomendagarria da).
- Distantziak, desnibelak… Faktore hauek aurreikusi behar ditugu eta nekatzekotan zer egingo dugun pentsatu (bide laburrago edo errazago batetik itzuli, garraio publikoan etorri…)
- Bide ezezaguna: Egingo dugun ibilbidea ezagutzen ez badugu, gps, track edo maparen bat eramatea gomendagarria da, baita informazio osagarria ere.
- Eguraldia: Zein eguraldi mota izango dugun aurreikusiko dugu, horren arabera egingo dugun bidea aldatu beharrean egon gaitezkeelako.