Abiadura-mugak. Segurtasunez gidatu ahal izateko abiadura-mugak errespetatzea garrantzitsua da, edozein bihurgune-irteeratan edo sestra-aldaketetan, bizikleta batekin topo egin ahal dugulako. Txirrindulari asko ibiltzen diren errepideetan eta batez ere txirrindularien istripu gehien gertatzen diren larunbat eta jai-egunetan, errepideen abiadura-mugen piskat behetik joan beharko ginateke, batik bat euria, lainoa eta horrelako baldintzekin. Beraz, adi asteburuetan txirrindulari asko ibiltzen diren errepideetan.
50 km/orduko. Gogoan izan herrietan 50 km/orduko abiadura dagoela eta, beraz, txirrindulariak aurreratzeko ez dugula abiadura hori gainditu behar.
30 km/orduko. Arautegiaren azken aldaketekin, gero eta herrietako kale eta bide gehiagok dute abiadura muga hori. Horiek S-30 eremuak osatzen dituzte eta horietan bizikleta eta beste garraio mota batzuen arteko bizkidetza errazagoa da.
20km/orduko: bizileku-eremuak. Eremu horietan kontu handiagoz ibili beharra dago. Eremu lasaiak dira, oinezko, txirrindulari eta patinetelariak ibili daitezke eta gerta daiteke horietako baten bat bat-batean agertzea, bereziki gaztetxoak edo umeak. Gainera, udalerri batzuetan eremu horietan bizikletek kontrako norabidetik joateko baimena eduki dezakete.