- Udalen arabera. Esan bezala, patineteen zirkulazioa arautzea udalei dagokie. Hala ere, gehienek ez dutenez, estatuko 970/2020 Dekretu berria jarraibide gisa hartzen da.
- Adina. Aldeak daude ordenantza bakoitzaren arabera baina gutxienez 14 urte eskatzen dira.
- Kaskoa. Herri gutxi batzuetan bakarrik da derrigorrezkoa. Gehienetan, Europa osoan bezala, ez da derrigorrezkoa. Ikusi araudiak hemen.
- Txirrina. Nahiz eta hau ere ez den derrigorrezkoa, gogoan izan behar dugu badela gomendagarria
- Argiak eta islatzaileak. Derrigorrezkoak dira, gauez ikusi gaitzaten, bizikletakoak bezalakoak: aurrekoa zuria eta atzekoa gorria. Islatzaileak edo txalekoa ez dira derrigorrezkoak baina bai erabat gomendarriak.
- Asegurua. Udal batzuetan asegurua edukitzera behartzen dute baina gehienetan ez dago oraindik araututa. Zerbait gertatzekotan oso lagungarria da, eta urteko 15 €tik aurrerakoa da bere kostua.
- Zirkulazioko seinale eta arauak. Gainerako ibilgailuen antzera seinaleak nahiz arauak errespetatu behar ditugu.
- Bakarra. Patinetean ezin dugu inor gurekin eraman, umea bada ere.
- Balaztatzea. Jakin behar dugu zenbat metro behar dugun guztiz balaztatzeko. 5 metro badira, horixe da gorde beharko dugun segurtasun-tartea ibiltzen garenean.
- Azeleratzea. Saiatu bat-bateko azelerazio askorik ez egiten, horrek bateria nabarmen gastatzen duelako.
- Seinalizazioa. Txirrindularien antzera, S-30 kaleetatik ibiltzen garenean ezker-eskumako biraketa seinalizatea gomendagarria da, beste ibilgailuetako gidariek gure mugimenduen berri izan dezaten eta geure buruak hobeto ikusarazteko.